..emal en Bitrag uf schwiizerdütsch, oder no besser gseit, uf züridütsch.
Wieso ? Well i eifach grad Luscht druff han.
Am Fritig hani mit es paar Kollege abgmacht gha zum brätle im Wald. D'Rockgöre isch dänn öppe am siebni losgfahre. Mit debi, e chlini Chüehltäsche mit Bier, zwei Cervelats, echli Brot und natürli es Sackmässer. Wie sich's ghört….
Det acho hani dänn scho echli gstuhnt. E komplett igrichteti Füürschtell mit Bänk und Tisch. Die andere händ dä halbi Huusrat mitgnoh. Es hät däne würkli a nüt gfehlt. Herdöpfel, Chäs, Salat, Frücht, Poulet, Crevette und allerlei anders zum ässe. Natürli händs au Täller und Bsteck mitgnoh. Zum trinke händs feine Wy debi gha, zum Dessert häts e Rüeblitorte gäh und dezue en Kafi und en feine Grappa.
D'Musig isch useme feine Audi cho. Isch zwar nöd grad min Gschmack gsi, aber nöd leid emel…
Wo's dunkel worde isch, händ d'Chef-Brätler dänn d'Stirnlampe (!?!) montiert, dass mer ja alles gseh hät.
Es isch en luschtige Abig gsi, aber s'nächscht Mal nimm i dänn au min Huusrat mit, ihr müend gar nöd meine ! Aber mini Cervelat sind guet gsi, au wänn is nöd ufem Stäcke sondern ufem Grill gmacht han.
S'isch nüt meh wie früehner...
Abonnieren
Kommentare zum Post (Atom)
8 Kommentare:
...kommt mir ein bisschen so vor wie die hardcore Camper, die in ihrem stationären Wohnwagen alles drin haben. Bis zur Nespresso Maschine und der Bicoflex Matratze.
Für en tüüüfe, gsunde Schlaf .
das Montagslila
Oder die Biker mit ihren Goldwing's inkl. Stereoanlage und TV.... Grauenhaft !
Zrugg zur Natur!
Aber nöd z Fuess ..
Nei, mit em Auto. Well i gwüsst han, dass ich dänn wahrschinli vor dä andere hei gange. Und d'Rockgöre isch en chline Schisshaas und lauft nöd im dunkle elei dur dä Wald.....
Was du hesch din Turomatic vergässe? Unverzeihlich.
Turomatic ? Sicher hani dä vergässe, ich weiss nämli nöd emal was das isch... ;-)
Womit me Gschwelti macht. En Dampfkochtopf dänk. Du chasch aber scho choche, oder? Ups, das hätte ig wahrschinlich nid sölle säge. ;-))
Ach so ! Also Gschwellti bring i no knapp ane ;-)
Kommentar veröffentlichen